Молитва предначинательная
Господи Иисусе Христе, Сыне Божий, молитв ради Пречистыя Твоея Матери и всех святых, помилуй нас.
Аминь.
Слава Тебе, Боже наш, Слава Тебе.

Молитва Святому Духу

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Молитва Господня

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Молитва за Отечество

Спаси, Господи, люди Твоя и благослави достояние Твое, победы благоверным людям на сопротивныя даруя, и Твое сохраняя крестом Твоим живительство.

Молитва Ангелу-хранителю

Ангеле Божий, хранителю мой святый, на соблюдение мне от Бога с небесе данный, прилежно молю тя, ты мя днесь просвети и от всякого зла сохрани, ко благому деянию настави и на путь спасения направи. Аминь.

Молитва Богородице

Пресвятая Богородице, спаси нас.
Достойно есть яко воистину блажити Тя, Богородицу, Присноблаженную и Принепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Взбранной Воеводе победительная, яко избавльшеся от здых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Ти: радуйся, Невесто Неневестная.
Все упование мое на Тя возлагаю, Мати Божия, сохрани мя под кровом Твоим.

Молитвенное призывание святого, имя которого носишь

Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей.

Молитва перед причастием:

Верую, Господи, и исповедую яко Ты еси воистину Христос Сын Бога живаго, пришедший в мир грешным спасти, от них же первый есмь аз. Еще верую, яко сие самое Пречистое Тело Твое, и сия есть самая Честная Кровь Твоя. Молюся убо Тебе: помилуй мя и прости прегрешения моя, вольныя и невольныя, яже словом, яже делом, яже ведением и неведением: и сподоби мы неосужденно причаститися Пречистых Твоих Таинств во оставлении грехов ив жизнь вечную.
Вечери Твоея тайныя днесь, Сыне Божий, причастника мя прийми: не бо врагом Твоим тайну повем, ни лобзания Ти дам яко Иуда, по яко разбойник исповедаю Тя: помяни мя, Господи, вo Царствии Твоем.

Перед началом всякого доброго дела

Творче и Создателю всяческих Боже, дела рук наших к славе Твоей начинаемая, Твоим благословением исправи, и нас избави от всякого зла, яко Един всесилен и человеколюбец. Слава Отцу и Сыну и Святому Духу, и ныне, и присно, и во веки веков. Аминь.

Перед всякою едой

Очи всех на тя, Господи уповают, и Ты даеши им пищу во благовремении, отверзаеши Ты щедрую руку Твою и исполняеши всякое животно благоволение.

Перед ужином и перед лёгким перекусом:

Очи всех на Тя, Господи уповают, и Ты даеши им пищу во благовремении, отверзаеши Ты щедрую руку Твою и исполняеши всякое животно благоволения.
Слава Отцу и Сыну и Святому Духу и ныне, и присно, и во веки веков. Аминь. Господи помилуй...  трижды. Благослови. Молитвами святых отец наших, Господи Иисусе Христе, Боже наш, помилуй нас. Аминь.

После еды

Благодарим Тя, Христе Боже наш, яко насытил еси нас земных твоих благ, не лиши нас и Небесного Твоего царствия. Но яко посреде учеников Твоих пришел еси, Спасе, мира даяй им, прииди к нам и спаси нас.Аминь.

Трисвятое

Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном.)

Молитва ко Пресвятой Троице

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Символ Веры

Верую во единаго Бога Отца, Вседержителя, Творца небу и земли, видимым же всем и невидимым.
И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша.
Нас ради человек и нашего ради спасения сшедшаго с небес и   воплотившагося от Духа Свята и Марии Девы, и вочеловечшася.
Распятаго же за ны при Понтийстем Пилате, и страдавша, и погребенна.
И воскресшаго в третий день по Писанием.
И возшедшаго на небеса, и седяща одесную Отца.
И паки грядущаго со славою судити живым и мертвым, Егоже Царствию не будет конца.
И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки.
Во едину Святую, Соборную и Апостольскую Церковь.
Исповедую едино крещение во оставление грехов.
Чаю воскресения мертвых, и жизни будущаго века.
Аминь.

Молитва Великомученику Георгию Победоносцу

Святой, славный и всехвальный великомучениче Христов Георгие! Собраннии во храме Твоем и перед иконою Твоею святою покланяющиися людие, молим Тя, известный желания нашего ходатаю: моли с нами и о нас умоляемого от Своего благоутробия Бога, да милостиво услышит нас, просящих Его благостыню, и не оставит вся наша ко спасению и житию нуждная прощения, и да укрепит же данную Тебе благодатию во бранех православное воинство, разрушит силы возстающих враг, да постыдятся и посрамятся, и дерзость их да сокрушится, и да уведят, яко мы имамы Божественную помощь; и всем в скорби и обстоянии сущим многомощное яви Твое заступление. Умоли Господа Бога, всея твари Создателя, избавити нас от вечного мучения, да всегда прославляем Отца и Сына и Святого Духа, и Твое исповедуем Предстательство, ныне и присно и во веки веков. Аминь.

Молитва Святому Царю-мученику Николаю II

О святый страстотерпче Царю-мучениче Николае, Помазанника Своего Тя Господь избра, во еже милостивно и право судити людем твоим и хранителем царства православного быти.
Царское служение сие и о душах попечение со страхом Божиим совершал еси. Испытуя же тя, яко злато в горниле, скорби горькия Господьти попусти, якоже Иову многострадальному, последи же престола царского лишение и мученическую смерть посла ти. Вся сия кротко претерпевый, яко истинный раб Христов, наслаждаешися ныне вышния славы у престола всех Царя, купно со святыми мученики: святою Царицею Александрою, святым отроком Царевичем Алексием, святыми Царевнами Ольгою, Татианою, Мариею и Анастасиею и с верными слуги твоими, таже со святою мученицею Княгинею Елисаветою и со всеми Царственными мученики и святою мученицею Варварою.
Но яко имея дерзновение велие у Христа Царя, Егоже ради вси пострадаша, моли с ними, да отпустит Господь грех народа, не возбранившаго убиение твое, Царя и Помазанника Божия, да избавит Господь страждущую страну Российскую от лютых безбожник, за грехи наша и отступление от Бога попущенных, и возставит престол православных Царей, нам же подаст грехов прощение и на всякую добродетель наставит нас, да стяжем смирение, кротость и любовь, яже сии мученицы явиша, да сподобимся небесного Царствия, идеже купно с тобою и всеми святыми новомученики и исповедники Российскими прославим Отца и Сына, и Святаго Духа, ныне и присно, и во веки веков. Аминь.

Окончание молитв:
Достойно есть яко воистину блажити Тя Богородицу, Присноблаженную и Пренепорочную, и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем. Слава, и ныне: ... Господи, помилуй... (трижды) Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых помилуй нас. Аминь.

Материал подготовлен по книге атаман ВБКВ Валерия Никитина "Традиции казачества"